MNP – Mobile Number Portability Kya Hai Or Sim Port Kaise Kare

0
179

 

   

 

Aajkal mobile sabke pass hota hai or unme sabhi log mobile network telecom companies ke sim card ka use karte hai. Koi insaan jab kisi telecom company ka sim card leta hai to yahi sochta hai ki use kuch sasta mil jaye, discount ya fir fayda ho. Kisi company me Internet data mahega hai to kisime call rates isi wajah se insaan ko current company se pareshan hoke kisi best mobile operator ka sim card kharidna padta hai, jisme offers acchi or kam rate me ho. New company ka sim card buy karne se hume firse apne dosto ko new number dena padta hai isi wajah se kuch log kisi telecom company se bahot pareshan ho fir bhi PORT / MNP nahi karte kyu ki wo use kar rahe hai wo unka permanent mobile number hai, but don’t worry article ko pura padhe solution andar hai.

National MNP  Kya Hai – What Is MNP in Hindi

Mobile number portability Kya hai or sim port kaise kare

Customer ko ek mobile operator se pareshan hoke kisi dusri company ka sim buy karna padta tha aisi wajah se TRAI – Telecom Regulatory Authority Of India –  टेलिकॉम मंत्रालय  Ne MNP Facility Ko launch kiya jiska full form ” Mobile Number Portability ” Hai. Aap Prepaid sim or postpaid dono me MNP ka benefit le sakte hai but postpaid me mnp karna thoda difficult hai.

Mobile Number Portability ka matlab hai aap kisi ek company se dusri company me apna mobile number badale bina ja sakte hai jaise vodafone to Jio.

   

Example : Maan lijiya me vodafone ka sim card use karta hu or ye company mujhe acchi offers nahi deti hai pareshan hoke me jio mai MNP karna chahta hu to mera vodafone number wahi rahega jo hai par company badal jayegi pahele vodafone thi ab jio ho jayegi.

MNP Or NMNP Me Kya Difference Hai – What is the difference in MNP And MNP In Hindi

Aap apne state / same circle mehi company badal rahe hai to aise MNP kahenge, maan lijiye aap Gujarat me rahete hai or aapne gujarat mai idea se apna number jio me badla to ye hua mobile number portability – MNP. Ahemdabad to Baroda, Jaipur to Azmer ye MNP ke example hai.

Maan lijiye aapka mobile number airtel ka hai or aap UP me rahe hai rahe / job karte hai, ab kisi reason se aapka transfer Mumbai ho gaya, aap airtel company se ab jio me Jana chahte hai. Aapne airtel sim up se liya tha or ab aap Mumbai me rahte hai to airtel se jio me jane ki process ko hum NMNP kahenge kyu ki yaha state / circle alag hai. Mumbai to Delhi, Delhi to Ahemdabad ye national MNP ke example hai.

Aapko ye jaan ke bahot khushi hue hogi ki hum bina number badle dusri company me ja sakta hai, ab aap soch rahe honge ye kaise possible hai to aaiye puri jankari step by step lete hai, MNP or national mnp karne ki process same hai.

Mobile Number Portability – मोबाइल नंबर पोर्टेबिलिटी कैसे करें ( How To do Mobile Number Portability / Full MNP Process In Hindi )

Aap India me available kisi bhi telecom company me port kar sakte hai jaise vodafone, idea, airtel, jio, bsnl, mtnl, rcom, tata DoCoMo, Telenor / uninor, Aircel, MTS, Reliance etc. Filhal abhi jio ki offers best hai to aap apne sim ko jio me port karoge ye accha rahega otherwise aap apni marji se kisi bhi mobile operator me ja sakte hai. niche bataye steps follow kare.

How To Port SIM in Hindi – Sim Port Kaise Kare 👇

Port number kaise le sakte hai ? Mnp ke liye Sabse pahele apne mobile operator network se UPC ( Unique Porting Code ) lena hota hai or isko lene ke humare pass total 3 method hai uske baad jaruri documents ke sath najdiki store par Jana hai.

Method 1 – Get Mobile Number Porting Number By SMS

Aap jis sim ko port karna chahte hai usi sim number se ek message bhejna hai.

PORT<space>10 digit mobile number send to 1900. Maan lijiye mera number 89848393XX hai to me PORT 89848393XX likh ke 1900 number par send kar dunga jiska charge mujhe 1.5 rupees ka lagega.


Puk code Kya hai or isse sim card unlock kaise kare

Pay Go kya hai or kyu use kare

Ab thodi hi der me aapke mobile number par ek port number / code milega.

Method 2 – Get Mobile Number Porting Code By Call Center

Firstly 198 toll free number par call kare fir Agent / Executive ke sath baat karne ka option chune fir usko bole ki mujhe Port karna hai aap request le lijiye, agent bolega ki aap kyu port karna chahte hai etc but aap fir boliye ki request le lijiye mujhe kuch nahi sunna. Agar waha se bola jaye ki yaha se request nahi le sakte to unko bolo ki supervisor ko call do ya transfer karo fir aap apni problem unko bata sakte hai, call center me kuch employee new hone ki wajah se kabhi kabhi specific information nahi de pate. rahi baat request ki to me 3-4 month call center me job kar chuka hu apne experience ke through ye kahe sakta hu ki waha se aap request enter karwa sakte hai bcoz maine bhi daily porting related system me bahot request li hai. agar waha se nahi bol rahe hai to don’t worry aap dusri 2 method ka use kar sakte hai.

Har company ko apna customer khone ka dar raheta hai isi wajah se kahi baar call center se Porting ki request nahi li jati hai.

Method 3 – Get Sim Port Number By Store

Aap apne mobile operator ke najdiki store par ja sakte hai, waha se aapko upc code de diya jayega, but sath me identity or address proof documents le jaiye.

Mobile number UPC code in image

That’s it, aapko is process se 8 digit UPC / port number 1901 se received hoga, jiski validity 15 days tak rahegi.
Note : Unique porting code Milne ke baad agar aapne 15 days me aage ki process follow nahi ki to fir se new upc code generate karna hoga.

Apne Najdiki Mobile operator Store Par Visit kare / Retailer Ke Pass Jaye

UPC / port number mil Jane ke baad aapko apna Identity or address proof and 2 passport size photo sath me le lene hai fir Nearby mobile operator store / retailer ke pass jaye or bole ki mujhe is company me port karna hai or ye mera unique porting code hai.

 

   

Retailer ya store employee aapke documents le le lega ho sakta hai wo iska 15-100 ke andar charge le. Documents dene ke 7 days ke andar aapka sim successfully ported ho jayega jiska message aapko apne number par mil jayega ho is process me 15 days bhi lag sakte hai.
Important note : Agar aap National MNP karna chahte hai to apna new address proof dikhana padega old address proof koi kaam ka nahi rahega.

Sim porting status kaise check kare – How to Check Mobile Number Portability Status In Hindi

MNP related all documents store / retailer ko dene baad, humare dimag me ye sawal aata hai ki mera sim kab dusri company me badal jayega, stithi kya hai ? So aaiye iske baarein me jankari lete hai sim porting status Janne ke liye humare pass wapsh 3 method hai.

1. Mobile operator store – Aap store par Jakar puch sakte hai.

2. IVR – 198 toll free number par call karne ke baad mobile number portability status check karne ke liye Jo button dabane ke liye bole wo dabaye.

3. Call Center – 198 toll free number par call karne ke baad executive ke sath baat karne ke option choose karle uske baad executive se puch sakte hai ki mera sim kab dusri company me kab badlega.

Advantage Of MNP Process – Sim Port Karne ke Fayde

1. Bina mobile number badle dusri company me ja sakte hai.


Sim card se automatically balance kyu Kat jata hai

IMEI number kya hai or kaise Kaam Karta hai

2. Aapko UPC / port number milne ke baad, aapke mobile operator ke agent samne se call karke puchenge ki sir aapko humari service se kya pareshani hue jo aap dusri company me Jana chahte hai, aapko data / voice jo bhi problem ho bata dena fir wo aapko kam rate me offer bhi de sakte hai, kuch log kam rate me offers ka benefit lene ke liye port sms bhejte hai.

Company apne postpaid connection customers ko kabhi kabhi free me voice or data bhi de deti hai agar kisine port sms send kiya tha to.

3. Dusre mobile network me acchi offers Milne le chances hai, example jio.

Disadvantage Of MNP Process – Sim Port Karne ke Nuksan

1. MNP kar lene ke baad aapko 3 mahine tak uske sath jude rahena hoga fir chah kar bhi three months tak company nahi badal sakte isiliye port ke liye good network company kohi choose kare.

2. MNP ho jane ke baad purane network me aapka jitna balance  or data tha wo nahi milega, isiliye meri advice rahegi data or balance use kar lene ke baad hi port message bheje.

3. Postpaid customers ko MNP ke liye store ke bahot chakkar lagane padte hai.

I hope ki mobile number portability kya hai or sim port kaise kare ye information jaan ke aapko accha laga hoga,  agar koi pareshani aaye to comment karke puch sakte ho.

LEAVE A REPLY

Please enter your comment!
Please enter your name here